房祖名推出第二張國語專輯，噚日佢接受商台電話訪問，講到6年幾前佢係樂壇新人時，好自信咁喺香港推出處男國語專輯，點知只賣得二、三千張。祖名坦承呢件事一直打擊佢嘅信心，佢覺得電影可以幾十部都唔賣座，但專輯純係自己嘅作品，一隻唔得都好大打擊，今次希望揀咗喺台灣出佢嘅第二張國語專輯，希望能為自己加添信心。