嚟到季尾，又到波衫大特價嘅時候，有心嘅球迷正是入手良機。
位於油麻地嘅嗰一間，最近就將拜仁慕尼黑主場同作客、國際米蘭主場、阿仙奴白色作客，同埋祖雲達斯主場做特價，由原本400幾蚊降價到299蚊。要知道拜仁慕尼黑同埋國際米蘭都係歐聯4強分子，所以呢個價錢都幾吸引，買件波衫印埋歐聯章同埋人名號碼，隨時計埋都係件波衫正價加多少少錢就有，如果兩隊入埋決賽，件衫價值肯定提高。
至於旺角同尖沙嘴都有分店嘅大型波衫店，更做緊球衣加印字特惠，就連巴塞隆拿主客場都有，而且長袖球衣仲平過短袖球衣，400幾蚊開賣，抵！
鯨魚周中冇比賽，全力備戰聯賽，主場穩天鵝，要「主勝」。
戰鬥員A
讓球主客和：名古屋鯨魚勝[-1]
心得：鯨魚養精蓄銳有着數
近5場往績：LWWLW