公民黨、社民連五個候選人全天候拉票，陳淑莊話五區公投運動開始以來，落區宣傳感受係時冷時熱，噚日冷雨中在街頭派傳單，更加百般滋味在心頭。
Tanya噚日中午喺北角派「公投換公義」同「廿蚊張」傳單，北角集結大量愛國愛黨人士，Tanya深入「解放區」，無異送羊入虎口，果然有個阿伯對佢睇唔順眼，幾乎全程指住佢鬧，「搞亂香港，搞散民主派！」
被人指罵非始於昨日，Tanya稱會以平常心面對，佢話好彩都有支持者，有個小妹妹就讚「廿蚊張」得意，有四個西裝友更大嗌「陳淑莊，成條街唔撐你，我哋80後都一定撐你！」為佢打氣。