意大利球隊喺歐洲足協嘅系數就快俾德國隊追過，隨時26年嚟首次跌出三甲，被搶走一個歐聯席位，可以話最能夠展示意大利足球嘅冧檔情況。國家足球積弱，偏偏幾個意大利籍教頭近排都撈得掂。
雖然我從來唔鍾意因循苟且嘅安察洛堤，但事實擺在眼前，佢極可能首季空降英超即刻做雙料冠軍領隊，威盡；文仙尼教嘅曼城打入前4機會好高，令曼城躉逐漸淡忘曉士。佢兩個都未算最威，最誇係雲尼亞里，睇番佢當初執教羅馬時一池死水，點估到北方3雄季中開始失威，話唔定就由隻首都狼贏意甲兼意盃，真係蛇變龍。
今周重心推介係曼城，唔係信牽牛，而係信曼聯近期轉晒勢唔多掂。朗尼復出都唔慌踢得番之前狀態，泰維斯有心有力應該有波入。
藍鑽石
讓球：曼城（下）
心得：之前對碰曼聯都冇優勢
近5場往績：LWLLW