周五9/4
季尾賭波還看戰意
賭博心態有時講安心，賽事少嗰日，無論係乜波熱門隊都唔理越買越熱；但時近季尾，部份中游隊開始會有反常表現，捉住呢個心態，小注博冷排名較低嘅慕遜加柏同荷甲魚腩華域克都贏波，果真季尾場上戰意勝於一切紙上談兵。
閒贏指數：☆☆
周六10/4
好驚寫鯨魚大家厭
睇開本欄都知，小弟季初定長追鯨魚，不過驚波友睇到厭，所以今次不放在重心場次上，希望大家識走位。反而博冷捧黑池??低英冠「1哥」紐卡素，唉，事後當然知行錯棋。但如果要求博冷都天天收錢，根本唔係小弟嗰種賭博態度；買到車仔大炒，但點串過關都唔順；最後同皇馬一齊，倒錢落海。
閒贏指數：☆☆☆
周日11/4
直播食蛋熱W斷晒
喺公司邊睇波邊工作，好多人可能羨慕不已，但呢晚當我哋一眾同事睇極嘅波都係0:0，當然係火都嚟。今天係熱W嘅黑日子，包括我推介嘅燕豪芬，其餘曼聯、利記同熱刺都食蛋，睇嗰個同賭嗰個都怨氣冲天，除非你捧曼城。
閒贏指數：☆
周一12/4
黑氣未去要買對冲
手風不順就要跟吓旺人，早一晚已跟西甲名家牽牛推介買馬略卡，串射佢周一重心佐加頓斯，幾條飛過到尾關英甲史雲頓；自知近期手風一般，為了鎖定利潤，瞓前決定罕有地博回埃克塞特[+1]對冲鎖定利潤，今晚當然無法大捷。
閒贏指數：☆☆☆
周二13/4
車仔勒住得個玩字
不想收工都坐喺電腦旁扮基金經埋玩對冲，但輸錢我更唔想；列斯聯開早車仔15分鐘，貼中3:1射車仔2:0，3:0叫晒糊；但車仔1:0企咗好耐，我可以點呀？最後重注1:0，唉！又係保本成功，極冇癮。
閒贏指數：☆☆
周三14/4
敗興而回？敍舊愉快！
友儕聚頭，期待「刺兵」大戰，賽前先來飽餐一頓，個個鬥志高昂，滿肚密圈，又荷甲，又法甲，又英超，小弟自知勢弱也要硬着頭皮夾份力撐。攞住部iPhone??實賽果，唉！壞消息浪接浪，只見殘兵早失波兼冇埋華美倫，一味靠搓唔入肉；輸到兩粒，眾友沮喪喊走之際，換入橙軍射手老尹當堂生晒，可惜為時已晚，敗興而回？其實敍舊愉快！
閒贏指數：☆☆
周四15/4
挪超皇馬買「大」算數
今明要早瞓留力，挪威波配皇馬波等如乜？早買入球「大」咯！
閒贏指數：☆☆
值得跟進球隊：列斯聯（回勇）、紐卡素（唔信佢唔識輸