【本報訊】與其依賴主流媒體，一群80後青年索性自己親力親為。有網上電台成員批評電子傳媒罔顧社會責任，拒辦選舉論壇，令巿民無從得知候選人政綱及背景，「因為佢哋要聽話吖嘛，中央已經定咗性，為咗政治正確，咪冷處理今次補選囉。」FM101電台擬下周六起一連三天舉辦選舉論壇，邀請所有參選人出席。
網上電台「青台」成員阿洛發動巿民今早到無綫將軍澳電視城示威，抗議電視台拒辦選舉論壇。
轟電視台「聽話」
阿洛說：「有選舉就要投票o架喇，呢個係公民責任，TVB（無綫電視）係香港覆蓋得最多嘅媒體，係有社會責任令巿民認識候選人，如果我哋連個人都唔識，咁點投票呢？咪即係投盲票！」他又指，香港寬頻及有線電視兩台要申請免費電視牌照，不敢逆中央意旨，「因為佢哋要聽話吖嘛，中央已經定咗性，為咗政治正確，咪冷處理今次補選囉。」
FM101電台成員梁穎禮指，計劃由本月25日起一連三日舉辦選舉論壇，邀請各候選人出席，「我哋會拍埋片，整完之後擺上網，最尾嗰part（部份）我哋會請民間團體嚟，向候選人提出疑問。」