企業業績同經濟數據都理想，花旗股市前晚顯著造好，股民對前景趨樂觀，幾個主要指數都出現技術突破。
不過，噚日港股又係先高後低，升幅只有36點，睇嚟好似唔夠動力，但睇埋成交，就知係好淡爭持，好友仍佔優勢，滙控（005）同地產股向好，港股後市仲係睇好。
紫金C輪16568：紫金（2899）昨收6.60元，升1%。近日金價回升，紫金亦由低位反彈，短線有機突破6.70元推向7.20元，可以諗吓隻C輪16568。
隻輪現價6仙，2010年9月29日到期，行使價7元，溢價15.1%，引伸波幅47.6%，有效槓桿5.2倍，正股升上7.20元，16568睇9.2仙，正股跌穿6.35元，就沽咗隻輪止蝕。
俊樺