夏天又到，女士都幾辛苦，天時暑熱戴住胸圍外出，都好難頂o架。家市面上大部份胸圍係條鋼圈設計，箍住個胸好唔舒服，戴啲冇鋼圈嘅bra，個胸又唔夠挺，最驚身體曲線走樣。「胸難」問題困擾我哋一班姊妹好耐，少女內衣品牌UneNanaCool嘅Cassy噚日打畀小妹，佢哋幾經研究推出咗全新「FunFunWeek」無鋼圈胸圍（圖），女仔戴咗入得廚房出得廳堂，返工外出當然冇問題啦。
有效挺高胸部
Cassy解釋話，之前巿面都有無鋼圈bra，戴起嚟雖然舒服，但冇承托力，只啱喺屋企着。全新嘅「FunFunWeek」bra則首次採用一片式U形設計嘅泡棉物料powerpanel，由脇側連接土台（雞心）位置，代替傳統鋼圈，可以提高胸圍穿着時嘅穩定性，有效咁將胸挺高，又唔會有好似以前被鋼圈勒緊嘅感覺。個bra採用薄身同富彈性的棉質質料，戴得舒適，仲配埋4個背扣供女仔選擇。咁又幾好喎，小妹想變幾大幾細都得。Cassy笑笑口，個bra前中心嘅低V剪裁，畀用家配襯唔同嘅夏裝都得心應手。
Cassy話，作為姊妹一分子，賣得畀客用自己梗係要戴過睇吓效果，戴住做嘢都好舒服，真得戴得舒適，挺得出色o架。佢溫馨提示話，如果本身身材豐滿嘅，要留意個bra未必包得晒個胸。收到，各位姊妹有興趣嘅話，買之前要試戴吓啱唔啱自己。新bra分淨色同格仔、碎花圖案系列，五顏六色任揀，售價240蚊起。
電郵：mailto:[email protected]