在電影《葉問2》中再次飾演葉問太太的名模熊黛林，今次在戲中要陀着10磅重大米扮孕婦抽筋，令她患上大肚恐懼症。她大讚戲中老公甄子丹溫柔，懂得噓寒問暖替她按摩，比男友郭富城體貼得多。
熊黛林再演葉問老婆，今次更要扮演大肚婆，為此她拿了假肚回家練習，卻被工作人員取笑catwalk味太重，她日前接受訪問時說：「佢哋覺得我似大肚婆行天橋，最後要喺假肚裏面加10磅米，個效果至好啲。」
嘆陀BB辛苦
因為《葉問》無論口碑跟票房都太好，令熊黛林無形中增添不少壓力，她說：「因為第一集賣得好，所以大家都好畀心機。其實我都好努力增肥，但係都唔成功。」演完這孕婦角色，她表示這幾年都不敢懷孕，她笑說：「因為陀BB實在太辛苦。」
再次與甄子丹合作，熊黛林最難忘是他替自己按腳的那場戲，她說：「因為大肚婆容易抽筋，子丹好溫柔叫我唔好緊張，又幫我按腳，嗰一刻覺得好溫馨同sweet。」她笑言甄子丹已為人父，自然對太太懷孕有一定經驗，演來駕輕就熟。在現實生活中，她卻沒有試過被人按摩，就算抽筋都要獨自處理，似乎投訴男友郭富城不夠細心。
「佢都冇經驗」
問熊黛林有否向影帝級的城城請教拍戲心得？她笑說：「真係冇，做大肚婆佢都冇經驗啦，而且仲要問一個男仔，好尷尬嘅！」
採訪、攝影：何永寧
化妝：ZoeFan 髮型：PiusChan
