焦媛同張達明噚日喺理工大學為舞台劇《容易受傷的女人》綵排，佢哋嚟緊會去加拿大做巡迴，張達明會順道同老婆去埋拉斯維加斯註冊，而高志森話如果焦媛喺下星期嘅舞台劇頒獎禮得到女主角獎，佢哋就會喺拉斯維加斯結婚。不過焦媛聽到呢個消息表現得好尷尬，仲叫對方同佢阿媽傾掂數先。至於達明就話8年前只係擺酒，佢話今次係老婆要求註冊，因為怕冇身家分。