入行近十年的方皓玟自從離開東亞唱片後，即與新公司StrawberryFields（草田樂樂）一拍即合，雖然新公司規模細小，但她的自主度卻勝過以前所有公司，她大讚公司兩位老闆十分瘋狂，竟讓她不需理會商業因素，創作自己喜愛的音樂。
方皓玟日前笑說：「喺呢間公司，我可以話係用錢最多嘅一次，老闆仲將奶粉錢都掟埋出嚟，總之希望今次佢哋買我呢隻股有得升啦，但我唔會畀自己壓力。」
「以前冇自主權」
方皓玟不經不覺入行十年，但她自言期間不停做錯事，但沒有以前的經歷就沒有今天的她，她說：「事實上我以前嘅歌啲key都唔啱我唱，以前係為咗迎合首歌而唱，但我又冇自主權，所以唔敢提出意見，但我家會識得唱番適合我嘅歌，可以話今次係我十年來最開心、最坦白，可以做番自己嘅日子。」採訪、攝影：駱華齡