港股噚日得個悶字，成交奀，波幅窄，不過上升正股有636隻，而且升幅唔細，多數係二三線股，反映啲乜？通常係反映股民傾向睇好後市，大股整固，股仔就偷步炒，不過要轉身快，通常當大股再炒上之時，股仔會回得好急。地產股又好似想郁，港股向上試關，好可能先由地產股帶動。
招行C輪19772：招商銀行（3968）昨收20.70元，跌0.7%。業績符合預期，前景偏好，股價噚日回試20日線大成交錘頭收市，有機會反彈推向22.50元，可以諗吓隻C輪19772。隻輪現價13.1仙，2010年11月1日到期，行使價24.459元，溢價24.1%，引伸波幅41%，有效槓桿率5.8倍，正股見22.50元，19772睇20.7仙，正股跌穿19.80元就沽咗隻輪。
俊樺