京奧為中國贏得金牌嘅「吊環王子」陳一冰與「彈床公主」何雯娜，佢哋嘅戀情鬧得熱烘烘，亦搞到何雯娜嘅專項彈床（圖）呢個奧運項目受到注意。講起彈床嘅來源就同馬戲團有關，當時馬戲團為咗保障空中飛人表演者嘅安全，以繩索組成的彈床作為保護網；發展至今日，彈床由112個彈簧組成，框架約長5米、闊2米等。而彈床為2000年悉尼奧運時，正式設立為比賽項目。