每次做煙熏都搞到一屋煙，做多幾次後就怕怕了，點知最近畀我搵到件法寶，就是一包煙熏木，原來用來做煙熏餸好鬼Easy！
首先將錫紙鋪放在鑊中，然後倒入煙熏木，放上蒸架，再放上已烚熟的雞蛋，冚上鑊蓋，開大火燒約2分鐘，見到冒出白煙，就收細火再燒1至2分鐘，話咁快就做好煙熏黃金蛋，真係好簡單，又唔會搞到一頭煙！
