睽違六年，法蘭西導演尚皮亞桑里（Jean-PierreJeunet）終於有新作《子彈頭．大復仇》！早前更應邀請，與女主角茱莉菲里兒（JulieFerrier）來港宣傳。
戲中丹尼潘（DanyBoon）飾演的笨蕉，因一次黑幫鬥爭時誤中流彈受傷，結果加入失業大軍，有幸遇上一班奇人大玩復仇，以軍火對壘，導演指曾到比利時做資料搜集，訪問過這類專家，眼見各式各樣強勁軍火：「當然好Impress，但其實呢啲係一種Cruelty！」
戲中「能屈能伸」的Julie，原來導演看過她的棟篤笑Show，覺得Julie在台上可以做出擔演不同的角色和表情，於是邀請她演出。何解當年由他一手捧紅的《天使愛美麗》柯德莉塔圖（AudreyTautou）今次無份？「因為唔多女演員會做一啲好滑稽有趣嘅角色，其實裏面有個角色都可能啱佢，但戲份好少，我唔敢問佢呀！」反而就力撐笨蕉：「某程度上佢即係我！」吓？「佢為咗復仇，要成班人幫佢，拍戲過程中都係需要大班人嘅努力先可以完成。」原來係咁。
Julie戲中變身能匿入雪櫃的扭擰妹。
電影耗資逾2億港元，導演說：「用心、用時間去做一啲好嘢出嚟，必然係貴！」單看「搞事幫」的洞穴佈景便知此話不假。
尚皮亞好貪玩，主動向小記展示有三點式索女幫佢抹淨iPhone屏幕。
記者：蔡俊業
攝影：梁細權
上映日期：4月15日