香港火鍋店開到成行成市，超市見狀也跑來分一杯羮？非也，只是用超市凍櫃擺放百款食材，任飲任食100分鐘收你$100，每分鐘$1，價錢平，但時間不多，當然要盡快把日本黑豚肉、意大利牛脷腸、Twins丸條掃進肚子。
記者：梁美甜
攝影：陳盛臣
Model：Candy@NewriseModel
台灣大行其道的甚麼「299吃到飽」任食火鍋，終於登陸香港，兩星期前在旺角開業，更請來Twins做嘉賓，火鍋店連名字也搞鬼過人─「百銀一鍋」，明確標列收費，就是每鍋$100。所謂台式火鍋，指的並非食材用料，而是指火鍋模式，仿照台灣吃法，雖同樣是放題，但並非如港式火鍋店般用剔字紙點菜，而是把食材全放在一排排超市大凍櫃內，任君選擇。這店主打貴價新鮮靚料及海產，全部海鮮均即日從批發處取貨，最靚最新鮮的才擺放出來。採訪當天，就有扎扎跳瀨尿蝦、半隻手掌大的角螺、東風螺、脆肉鯇等等，蔬菜也鮮嫩過人，擺放齊整富光澤。
店子很細心，為方便拿取和顧及衞生，把大部份火鍋配料先分配成一小份，對正胃口細細但又心多多甚麼都想吃的港人，必試推介有台式鮮蚵仔餃、Twins丸和溏心牛筋，蚵仔餃用新鮮蠔仔包成，蠔仔多汁不腥，很鮮味；Twins作為開幕嘉賓，小店特別推出Twins丸，用墨魚膠加蝦膠製成，中間包一條甘笋，爽口彈牙，每日限量，手快有手慢無；溏心牛筋則由師傅自家醃製而成，甜甜的口感獨特。最抵吃還是入座即送的海鮮船，有蝦、桶蠔、帆立貝等，再吃幾碟玻璃蝦，未吃肉丸，已經半飽了。
必吃推介
Twins丸
噱頭作，名副其實是Twins丸！一粒粉紅一粒雪白，用手打墨魚膠及蝦膠黏合連體而成，內包一條甘笋貫穿兩粒肉丸，考手工之作，每日限量推出，手快有手慢無。
海鮮船
入座隨湯底即送，桶蠔、帆立貝、青口、八爪魚、鮮蝦等有齊，吃完已經回到一半本。
（上起）玻璃蝦、黃沙膶、溏心牛筋
海蝦彈牙，黃沙膶爽口，溏心牛筋坊間少見，味道甜甜的，煙韌具嚼勁。
台式鮮蚵仔餃
真正皮薄餡靚，用新鮮本地蠔仔自家炮製，蠔仔新鮮無腥味，若然蠔味更濃郁更完美。
四款肉二款腸
肉類款式不多，卻全是回本貨，上層是意大利牛脷腸及蘑菇腸，下層有新西蘭羊卷肉、日本黑豚肉、金錢牛及美國肥牛。
阿嬌最愛忌廉湯底
但凡任吃，例必吃盡幾款回本菜，火鍋店設有肉櫃，每日供應四款肉與兩款腸，肉有新西蘭羊卷肉、金錢牛、日本黑豚肉、美國肥牛；腸有意大利牛脷腸及蘑菇腸，即是平日酒店自助餐見到的ColdCut切肉，主要作冷盤即食，用作火鍋料還是第一次見，放鍋烚熟，肉味出奇地突出，驚喜！超市三四片ColdCut叫價三四十元，一般火鍋店黑豚肉二三十元得幾片，現在吃一輪肉已經回本，抵。
火鍋店提供九州豬骨湯、番茄薯仔湯、椰子鮮雞湯、大和粟米忌廉雞湯、3.6牛乳鮮魚濃湯、成都正宗麻辣湯、馬來西亞沙嗲及香荽皮蛋鮮魚濃湯共八種湯鍋選擇，各湯底主要用雞湯、豬骨湯及魚湯炮製而成。阿Sa最愛番茄薯仔濃湯，阿嬌則選大和粟米忌廉雞湯，我則鍾情3.6牛乳鮮魚濃湯，小店用大量白鯽魚熬足六小時做湯底，加木瓜和3.6牛乳，鮮味到不得了，配海鮮超正。
湯底
阿Sa最愛的番茄薯仔濃湯（後）及阿嬌讚不絕口的大和粟米忌廉雞湯。
試新舖，火鍋店夠冷氣得來又不會吹到頭暈，空氣流通，食物材料擺放整齊，都幾新鮮。
食物補料快又方便，八爪魚丸最足料彈牙。
百銀一鍋（27822003）
地址：旺角登打士街43H登打士廣場2樓
收費：周日至四每位$100，周五、六及公眾假期每位$110，任吃100分鐘，包湯底和指定啤酒飲品，入座送海鮮船。7:00pm前和9:00pm後入座九折。