奧巴馬同胡主席喺花旗會面，會後有點各自表述嘅味道，但唔代表冇任何共識，預期人民幣大幅升值係不切實際，但係略為放寬人民幣嘅波動範圍應該機會好大。
花旗股市突破11000關，但係氣勢欠奉，所以噚日港股都係反覆偏軟，恒指跌34點，成交一般，暫時只宜炒個別。
聯通C輪20551：聯通（762）昨收9.18元，冇升跌。股價喺上月底開始反覆回升，其間成交明顯增加，短線升破9.56元可試10.20元，可以諗吓隻C輪20551。
隻輪現價11.7仙，2010年12月6日到期，行使價9元，溢價10.7%，引伸波幅39.9%，有效槓桿4.4倍，正股見10.20元，20551睇17.9仙，正股跌穿8.70元，就沽咗隻輪止蝕。
俊樺