吳雨霏（Kary）噚日隨樂施會起程到雲南探訪，今次佢會逗留三日兩夜，體驗貧窮農村生活。佢仲帶埋個小結他去，唱歌畀當地小朋友聽。Kary話父母好贊成佢多做啲探訪：「佢哋唔想我太嬌生慣養，今次冇刻意帶啲物品畀小朋友，因為想教佢哋自力更生。我都擔心會眼淺，但一定會死忍眼淚。」佢話只係去三日，加上相信通訊不便，所以唔會日日同男友電話聯絡喎。