「起來！投票！投票！」一班網民為撐公投，早排喺滿佈內地同胞嘅灣仔金紫荊廣場，高歌一曲新詞《義勇軍進行曲》，變成撐公投嘅歌。
佢哋認為透過五區公投爭民主，唔只係為700萬香港人，更加係為咗13億內地同胞。有份獻唱嘅Eric話，呢段土炮MV製作唔簡單，事緣每月一日嘅升旗儀式先至有儀仗隊，佢哋諗過2月1號、3月1號去唱，可惜兩次都起唔到身而唔成事，直到4月1日，Eric同兩名網友終於的起心肝，清晨7點幾就抵達金紫荊廣場set機綵排，儀仗隊一奏樂就同步唱，終於完成呢次壯舉，想睇片可到 http://www.youtube.com/watch?v=ZgbKq6PphWg