周杰倫將會喺6月於台灣小巨蛋開個唱，而佢近日就努力籌備新專輯，周董每次推出專輯都會有主題，不過佢又愛保持神秘，唔會咁輕易洩露自己嘅構思。噚日就發現佢現身片場拍攝，個背景充滿歐陸中古世紀宮廷feel，現場仲有一座巨型嘅修道院，周董企喺陽台上指揮眾人，似乎做演員之餘又做埋導演，不過最令人驚訝係周董嘅頭髮竟然濃密咗好多，唔知係咪刻意變髮求突破。