港股昨日表現虎頭蛇尾，甫開市恒指即見22388全日最高位，但好快就走晒樣，仲要倒跌70點收市，收報22138，呢款典型高開低收嘅走勢，梗係唔盞。大藍籌之中，中移動（941）表現同個市真係襯到絕，昨日大部份時間係威係勢，收市就倒跌1%，唔少散戶大嘆真係難炒。
雖然中移動唔爭氣，但其他電訊設備股卻各自精采，中國無線（2369）股價創52周新高，升13%，收報3.88元；反映用心機去搵，其實呢種市況唔愁冇股炒。
香港資源（2882）剛宣佈斥資增持深圳金至尊經營的「銀河明星」，欲透過收購加強拓展內地珠寶首飾業務；集團另與農行合作在內地賣金。
香港資源昨日異動，一度升至1.44元，收市報1.40元，升2.9%。股價上月中最高曾見1.57元，但好快就回落至1.20元水平築底，踏入4月份升勢再起，相信冇咁快玩完。該股日內將派成績表，伺機短炒，獲利目標1.75元，跌穿1.20元止蝕。
方星俠