球壇Gossip:迪帥升班開心過捧盃

球壇Gossip:迪帥升班開心過捧盃

前日對幾個喺英格蘭搵食嘅意大利領隊嚟講,都係大喜日子,先係蘇拿帶領嘅韋斯咸贏波後,護級形勢好轉,然後係安察洛堤嘅車仔殺入英足盃決賽;當然唔少得係迪馬堤奧帶領嘅西布朗已提早篤定重返英超。迪馬堤奧賽後大喜,同職球員一齊開香檳慶祝,仲話成功帶隊升班,係佢職業生涯嘅高峯。雖然迪馬堤奧球員時代稱唔上係頂級球星,但為車仔贏過歐洲盃賽冠軍盃、英足盃同埋英聯盃,換句話講,喺佢眼中幾個獎盃原來都比唔上領軍升班嘞!