全城熱論張廿蚊，有網民要求其他立法會議員表態是否撐張廿蚊，葉劉冇有怕，喺facebook留言回應，指香港人唔應該喺未經深入了解事件下就隨便叫人道歉，強調一切唔可以輕易做結論，希望大家包容他人意見。有網友認為葉劉用言論自由做擋箭牌為張廿蚊開脫，太過和稀泥。葉劉同八方講，佢絕對唔認同將最低工資設喺20蚊呢個水平，只係覺得張廿蚊遭受語言暴力好慘，連男拔師弟都要踢佢出校董會，真係唔多公道。講到被人圍攻，葉劉絕對有資格講嘢，當年佢硬推23條激起民憤，被人鬧到爆，張廿蚊有排未到呢個級數。