隔牆有耳:劉江華俾維園阿哥喪鬧 - 李八方

隔牆有耳:劉江華俾維園阿哥喪鬧 - 李八方

《城市論壇》噚日請劉江華做嘉賓,討論港台問題,維園阿哥任亮憲有備而來,着咗件「民建聯禮義廉」Tee去踩場,發炮喪鬧:「你滿口仁義道德,但喺市民心目中,你喺立法會門外應承雷曼苦主據理力爭,入到去立法會就反對設立調查小組,你劉江華唔好笑裏藏刀!」
現場觀眾聽到拍爛手掌,但劉江華亦唔係善男信女,即刻指住維園阿哥身上嗰件Tee回應:「禮係互相尊重,廉係公正不偏不倚,可以送畀港台引以為鑑。」台下即時一片靜默,O晒嘴,唔明點解冇咗個「義」字。在場嘅莫乃光事後喺facebook拆局:「佢冇講義,可能因為佢由港同盟變節民建聯,最冇義氣!」