周秀娜和鄺敏慧（中巴）昨日分別出席onlinegame代言活動，吸引大班機迷和龍友到場。周秀娜一身谷胸女俠造型上陣，性感美艷，輕鬆贏足肥到不肯脫斗篷拍照的中巴幾條街。
周秀娜（Chrissie）和鄺敏慧昨日先後到深水埗一商場，各自出席由她們代言的onlinegame活動。Chrissie以《龍online》遊戲中的性感女俠造型現身，性感程度爆燈，現場又首播由周杰倫的「御筆」方文山填詞、Chrissie首次開金口主唱的《龍鱗》MV。
中巴斗篷遮醜
Chrissie接受訪問時說：「今日係MV首播，不過唔會現場唱喇。自己都幾期待，個MV拍足一日一夜，仲係體力嘅考驗。」問到會否轉型做歌手，她說：「一路都冇咁諗，我有自知之明，但都有其他客戶傾類似嘅合作，所以遲啲都會唱多一隻歌。」Chrissie又提到曾用自己扮演的角色上網打機，卻被一班網友聯合追打，令她哭笑不得。
中巴昨日也在同一地點出現，雖然打扮性感，但其脹爆身形卻大殺風景，要用長斗篷遮掩，無論記者怎要求也死命不肯脫下拍照。
拒再提崔建邦
問中巴其前男友崔建邦日前接受訪問時表示從沒愛錯，她對此說：「我冇睇過個專訪喎，所以我唔清楚，冇乜感覺喇，家專心工作。件事都過咗好耐，唔想再提。」提到崔建邦，中巴只強調：「我唔方便畀自己意見，呢啲嘢都唔再講喇。」
採訪、攝影：藍文浩
