熱錢係咁湧入香港，主要憧憬人民幣升值。其實，一個國家經濟強勁，貨幣滙價趨升根本係自然現象；講到經濟繁榮，亦可以從內地人民消費力中看到，尤其係奢侈品銷售持續增長，呢個現象近年在大陸已經唔算新聞，從事相關業務股份當然有一定瞄頭。
耀萊集團（970）旗下的高檔名車及手錶銷售，成績有目共睹，09年上半年公司營業額增長1.1倍至4.65億元，扭虧為盈賺3566萬元。最近公司落實以6700萬元出售漫畫業務，反映集團全面轉型，由於內地高檔消費品方興未艾，耀萊可謂食正條水。
該股上周五以大陽燭急升9%，收報0.84元，短期升勢料未完，料可突破52周高位0.90元，短炒目標1元。
大市成交暢旺，細價股紛紛異動，進軍阿根廷石油開發的長盈集團（689），上周五突見炒上，升7.1%，報0.166元，似欲突破1月延伸之下降軌阻力，不妨留意，短炒目標0.20元，以0.15元止蝕。
方星俠