西九文化區管理局近期積極埋班，繼搵到英國人謝卓飛做一哥（行政總裁）之後，噚日再公佈多三個管理層名單，包括陳文偉出任項目推展行政總監，林綺華做財務行政總監，駱基道做總法律顧問。除咗陳文偉要下個月3號先到任之外，其餘兩位聽日就返新工。陳文偉家係香港科技園項目設施副總裁，做開科技園規劃，日後負責監督西九規劃發展。本身係專業會計師嘅林綺華，曾經喺萬威國際做總財務主任兼行政總監。至於外籍人士駱基道來頭唔細，做過港鐵項目及國際業務首席法律顧問。