何超儀噚日喺鰂魚涌出席藝術展，展覽講述死亡感覺，超儀話以前拍戲時見過鬼：「嗰次半夜上自己架七人車換衫，一上車，尾排個位坐咗一個着紅衫嘅稻草人，佢打側望住我，惟有扮見唔到。」超儀又話亦師亦友嘅長輩好似梅艷芳之死，令佢驚覺要多啲關心家人朋友，佢話：「我都要多啲探爹哋，家都唔係探得好密，我係個冇心肝嘅人。」