日前喺非洲探訪完嘅黃家強，噚日急不及待約咗記者喺尖沙嘴講吓非洲之旅嘅趣事，家強今次專登影咗好多短片畀3歲嘅囝囝睇。家強話：「阿仔見到啲黑人都有啲怕，不過我坐喺側邊慢慢解釋畀佢聽，等佢知道原來自己好幸福。」家強喺6月仲會聯同張學友及關淑怡為今次探訪活動義唱，希望籌多啲錢幫助起學校。