立法會河蟹世博團三日兩夜行程，高鐵車票、機票連食宿每位9,500元，返大陸都使成皮嘢，八方寧願去日本，旅遊界議員謝偉俊嫌貴，自行格價四日三夜上海團只需3,388元，質疑秘書處太闊佬。
秘書長吳文華話，據職員了解，3,388蚊嘅行程唔包去世博，由於此行遊世博係戲肉，所以要畀多啲錢，謝超人話可以搵旅遊界行家幫手，吳文華即時講多謝，「不過最好就免費提供啦。」
吳文華又解釋，旅費9,500蚊只係上限，有平價團唔會用到盡，呢個預算係按公務員出差上海標準計算，估計交通費約4,000元，其餘5,000幾蚊係食宿，三日兩夜食宿花5,000幾蚊，似乎幾豪，估唔到食河蟹都咁貴！