喺「三色台」同「畸寶」睇過唔少中山美穗嘅日劇，不過我覺得最好睇嘅始終係早期嘅《偶像媽咪》。其實我一直搵緊呢齣日劇，最近終於發現大陸一個網站有得睇，雖然畫質麻麻，但都好過冇。
除咗《偶像媽咪》，仲記得喺「三色台」睇咗美穗姐姐同木村嫂工藤靜香一齊做嘅《天生一對》，但由於當時讀緊中學，加上齣劇又喺婦女節目時段內播，所以睇到斷橛禾蟲，經已唔記得個古仔講乜。真係希望有機會重溫。
今晚西班牙國家打吡，皇馬星味確實係勁過巴塞，但佢哋太過個人化，唔係好似一支球隊，所以呢場波我撐美斯隊巴塞，希望佢哋可以幫我打破近排單跳走勢。
青蛙仔
讓球：巴塞隆拿（下）
心得：美斯同甄子丹一樣係宇宙最強
近5場往績：WLWLW