台灣可愛教主楊丞琳忙於籌備首個售票演唱會，點知近日佢患咗重感冒兼失埋聲，前日仲要入醫院睇急診，佢噚日喺台灣出席MV首播活動，現場聽佢把聲好沙啞，楊丞琳話：「昨晚還在練團室巧遇哈林哥（庾澄慶），我說我感冒了，哈林哥立刻往後彈一臉驚訝，就怕被我傳染。」但佢話收到哈林、李玟同蔡依林嘅慰問，乜都抵番。