萬眾矚目的西甲西班牙國家打吡（ElClasico）周六展開，今仗既有兩大新舊球王交手，又關係西甲爭標命運，就算香港周日凌晨4時開賽，也值得球迷捱更抵夜欣賞；皇家馬德里挾聯賽12連勝及主場全勝佳績，在巴拿比奴主場等待巴塞隆拿，讓得起平/半，取上盤。
牽牛
球賽編號：星期六72
皇家馬德里vs巴塞隆拿（now632、634及660台直播）
04:00 11/04
皇馬上仗憑一對前鋒基斯坦奴朗拿度（C朗）及希古恩各建一功，作客以2:0擊敗桑坦德，聯賽錄得12連勝；兩軍首循環碰頭，皇馬作客以0:1見負，由於西甲聯賽同分，先計對賽論排名高低，皇馬必望次循環主場收復失地。尤其皇馬在主場出擊極具信心，今季聯賽主場15戰全勝，是歐洲主流聯賽罕有仍保主場長勝球隊。
卡卡復操未及上陣
今仗大戰焦點，當然是兩位新舊球王C朗及美斯，皇馬上仗已有C朗先開紀錄；已攻入18個聯賽入球的C朗，在賽前記者會被問及與美斯誰人較強，雖然C朗口口聲聲指雙方都一樣強勁，但以C朗心高氣傲風格，豈會再讓美斯搶盡風頭。
另外07年球王卡卡也不甘寂寞，近期也積極復操，包括到馬德里附近的高山，作高原雪地練習，力圖趕及克服小腿傷上陣，不過最終仍未能趕及上陣；另外，養傷多時的賓施馬及狄亞拉上仗已可列後備席，而沙比阿朗素及沙治奧拉莫斯亦停賽期滿復出，雖然沙比阿朗素報稱在練習途中受傷，但大戰當前，這位皇馬「傳送王」仍會紮住上陣，主隊除長期傷兵比比外，陣容十分完整。
當然論狀態，巴塞隆拿的確「無得彈」，上仗歐聯憑美斯「大四喜」，主場以4:1擊敗阿仙奴，晉身歐聯4強。不過就算巴塞對阿仙奴下半場如何留力也好，美斯、沙維、丹尼爾等主力，均打足90分鐘，休息時間較皇馬少兩天。
3矮人陣變招力弱
事實上，球隊攻強守弱問題，仍困擾教練哥迪奧拿，對阿仙奴先失守，下半場亦不乏讓客軍拉近紀錄的機會，當然碧基及佩奧爾在歐聯停賽是原因之一，兩人今仗均可復出鎮守後防，但左閘艾比度再度受傷，哥帥料起用近況一般的麥士維，此子輕出及回防慢的弱點，料是巴塞後防缺口。中前場方面，恩尼斯達已復出，但伊巴謙莫域上陣成疑，亨利已被放入「雪櫃」，靠美斯、柏度洛迪古斯等矮人陣，變招能力不強。
當然近季交手，巴塞稍佔上風，已連續3次在聯賽對碰中獲勝，包括上季作客以6:2擊潰皇馬，但今季皇馬銳意擴軍，就想取代巴塞王位，未必再讓對手在巴拿比奴「逞強」。
星期六72
皇家馬德里vs巴塞隆拿
半全場：和/主
盤口：皇家馬德里讓平/半
讓球：上盤
盤口：皇家馬德里[-1]
讓球主客和：D和局
2:1
花絮：史杜捷哥夫醒美斯
今仗國家打吡戰咁矚目，唔少名宿都入場觀戰，好似曾效力巴塞隆拿嘅保加利亞前鋒史杜捷哥夫，亦會成為座上客；佢就警告同樣擔任前鋒嘅美斯要小心皇馬嘅殺傷戰術，史杜捷哥夫話：「皇馬要防止美斯，肯定無所不用其技，可能趁無人為意情況下，傷害美斯。」佢仲警告今仗執法嘅球證干沙利斯（MejutoGonzalez）唔好手軟。
花絮：告魯夫任巴塞會長？
6月將選新會長嘅巴塞隆拿，周四就宣佈由告魯夫接手？睇真啲原來告魯夫只係出任巴塞嘅終身榮譽會長；喺球員同教練時期都效力過巴塞嘅荷蘭球王，就好謙虛咁講：「我以往有很大榮譽，但今次很不同；比教練更高一層，我好像做了老師，自己的足球理念，已植根於巴塞隆拿，以足球帶給世人歡樂。」
花絮：古迪季尾必離皇馬
國家打吡戰在西班牙國內享有崇高地位，不過身為皇馬副隊長嘅古迪，表示今仗會係自己最後一次踢國家打吡；今季同皇馬約滿嘅古迪，接受西班牙當地電台訪問時表示，已決定今季尾離開，雖然已經達33歲，不過仍可踢多兩年，更希望離開西班牙，到英國、意大利或者中東搵食。