本地玩具、科幻戲迷近日肯定心情靚絕，除咗可以喺太古城睇到古sir嘅珍貴玩具展，仲可以去數碼港睇到為電影《阿凡達》、《金剛》、《魔幻王國》提供設計概念嘅藝術工作室展品，眼界大開。
藍鑽石童年喺大哥影響下，都曾經係超級玩具迷，對「低達」尤其熱愛，舊年「低達」誕生30周年，喺東京台場展出一個18米高嘅「低達」機械人，令小弟口水直流，恨不得飛去朝拜。回想我輩以前邊有家陣啲玩具迷咁幸福，可以有咁多機會親近至愛玩物，以前為咗換購玩具搏命儲汽水蓋掩嘅情懷，一早被歲月偷走晒。
玩具嘅嘢絕對主觀，鍾意就鍾意，但貼波就唔可以，明明我呢個AC躉唔鍾意國際米蘭呢隊波，但隊波又真係有實力，食硬「紫百合」。
藍鑽石
讓球：國際米蘭（上）
心得：信番自己意甲推介
近5場往績：WLLWW