賭王子女戀情多，賭王四房的17歲兒子何猷亨之前和o靚模文宇拍拖，疑被文宇借位宣傳。猷亨昨日自稱只是「玩玩吓」，表明不當是拍拖，擺明跟文宇劃清界線，更寸她說：「紅咗咪恭喜佢囉。」
賭王何鴻燊的康復進度良好，前日更出街食魚生，四姨太梁安琪昨日在銅鑼灣宣誓續任保良局總理，但不見賭王捧場，反而一對兒子17歲的何猷亨和15歲弟弟猷君就捧媽咪場。
在英國讀書的猷亨早前託家姐何超盈代向o靚模文宇提分手，問猷亨分手後有沒有傷心？他說：「點會傷心，分咗就算啦。」文宇將情侶合照放facebook，被超盈責博宣傳，猷亨就說：「冇諗喎。」
女友要似媽咪
問猷亨怕不怕文宇再將兩人的拍拖照放上網？他即劃清界線說：「我唔覺得係拍拖，係玩玩吓啫。佢紅咗咪恭喜佢囉，我冇所謂，我同佢都唔熟，希望唔好拉埋一齊講。」
即不是女友？猷亨說：「係呀，係佢諗多咗。」有沒有正印女友？他說：「我唔相信拍拖呢樣嘢，我咁細個，要考試、讀書，我都返英國囉。」更指將來揀女友，要似媽咪般爽快靚女。
四姨太梁安琪被問到三姨太陳婉珍剛和賭王慶祝「結婚」33周年，她說：「我都唔係呢種人，好少慶祝呢啲日子，生日都冇慶祝，開心咪日日可以慶祝。」她謂賭王除了想返澳門，也想返葡萄牙。
Neway太子薛嘉麟首次入局做總理，但任職禮不見傳情變的女友諸葛梓岐，他只說：「個個都支持。」支吾以對一番後，才指兩人沒分手。
至於諸葛梓岐前日在亞視接受完黎燕珊訪問後，於大約下午5時半離開，二人還在門外交換電話號碼。之後她乘七人車往尖沙嘴香格里拉coffeeshop跟兩名女友人及小朋友嘆下午茶，未見男友影蹤。
採訪、攝影：梁錦雯、黃曉程、羅德光
