謝賢（四哥）獲商台網上投票節目選為最有型爸爸，佢噚日接受電話訪問時話自己發姣，所以鍾意打扮，仲講笑話成日着低胸衫係因為個胸夠大。早排四哥講過俾女朋友飛咗，佢噚日澄清當時只係同記者講笑，佢係想話女友飛去第二度。問到四哥有冇人請佢做形象顧問，佢講笑話：「如果我去無綫做呢啲職位就PK啦。」