無綫節目《超級遊戲獎門人大爆發》昨日錄影特別單元，於下周日播映撼亞視的《金像獎》頒獎禮，獎門人曾志偉當晚會出席《金像獎》頒獎禮，對於自己打自己他大感無奈，並建議觀眾可以睇一邊、錄一邊，至於睇哪個台，他說：「兩樣都咁新鮮，大家鍾意喇！」
曾志偉曾謂短期內不會再做《獎門人》，豈料無綫為搶收視，要獎門人出山推出《超級遊戲獎門人大爆發》，今次除獎門人曾志偉和台柱獎老錢嘉樂之外，江欣燕、金剛、Otto都是新加入的獎老。昨日《超級遊戲獎門人大爆發》在將軍澳電視城舉行開鏡拜神，女獎老江欣燕遲到半句鐘，她出現時，獎門人即揶揄說：「唔怪得噚晚開會話自己會成為焦點，原來係咁。」
收視跌賴金剛
《超級遊戲獎門人大爆發》先炮製一集特別單元，並於本月18日播出，是要追擊亞視獨家足本播映的《香港電影金像獎頒獎典禮》，問曾志偉有否信心，他開玩笑說：「你話金像獎？」獎老錢嘉樂即搶答說：「自己打自己真係第一次，自己食自己就成日都係，呢個都算係創舉，同一時間兩個台出現。」
之後曾志偉建議大家可以睇一邊、錄一邊，至於點揀？他無奈地笑說：「大家鍾意喇，兩樣咁新鮮，原則上係睇獎門人，如果獎門人唔得咪因為金剛陀衰家囉。」新獎老金剛不知道甚麼是陀衰家，獎門人即用普通話繙譯做「害全家」，他即說：「哦，冚家鏟！」
惠英紅選戰衣
此外，憑《心魔》一片角逐今屆金像獎影后的惠英紅，昨日在尖沙嘴出席「變o靚DPRP幹細胞活膚療程代言人」簽約儀式，她笑說要扮靚靚出席金像獎頒獎典禮，她連戰衣也準備妥當，她說：「Escada贊助我一件大露背裙，前面高貴後面露到落patpat，想襯大抽珍珠，希望揀到心水，同樣都係搵贊助。」小紅更坦言渴望再下一城。
採訪、攝影：楊潔雯、魯萍
