在缺乏環球、華納、EMI及Sony四大唱片公司參與下，09年度IFPI香港唱片銷量大獎前晚舉行頒獎禮，其中祖兒雖得四獎，但不是最賣碟女歌手，衞蘭才是全年最高銷量本地女歌手。林峯竟打敗古巨基成為全年最高銷量本地男歌手。
容祖兒前晚在《IFPI香港唱片銷量大獎2009》奪得四個獎，但並沒有大獎，早前有指她會成為全年最高銷量本地女歌手，但該獎最終由衞蘭奪得，而全年最高銷量本地男歌手獎竟由林峯領走。最高銷量廣東唱片則是張國榮的《最紅》。
因環球、華納、EMI及Sony四大唱片公司不參與IFPI，故陳奕迅、謝安琪、張敬軒及周杰倫等都不會有獎。
衞蘭談到成為最賣碟女歌手，她說：「我會繼續努力，我唱歌只因鍾意唱，唔係為攞獎，所以冇諗過，當bonus啦。」對於打敗祖兒，衞蘭說：「我自己唔會咁諗，唔同人比較，只同自己比較，我13號生日時會一齊慶祝。」
祖兒對於失大獎則說：「好簡單，呢個係計銷量嘅頒獎禮，我上年出碟唔夠，都唔會介懷，我好欣賞Janice（衞蘭），都有買佢嘅碟，好好聽，佢攞獎都好應該呀，我會努力，希望樂壇百花齊放啦。」
林峯撼贏古巨基
林峯去年推出唱片、演唱會碟及影音碟等，唱片不到幾星期便有白金銷量，成為最賣碟男歌手，竟比古巨基厲害，他說：「基仔轉會嘛，對成績有影響。」問他怕不怕像成為亞太區最受歡迎香港男歌星般遭受非議，林峯說：「唔驚，無論攞乜所有人都有唔同睇法，做好自己應份做嘅嘢。」因四大唱片公司不參與IFPI，故少了很多一線歌手爭獎，林峯說：「競爭係少咗，希望出年佢哋參加番啦。」
採訪：李珮洳
攝影：葉君海、黃偉雄