劉心悠和吳嘉龍這對配搭頗新鮮，他們最夾的地方，應該是大家的廣東話都是差不多水皮。最近now重金禮聘劉心悠夥拍吳嘉龍走入廚房搞搞震，在節目《Cooking媽嫲》尋找隱世廚神，但原來劉心悠對烹 一竅不通。
在港獨居的劉心悠不懂下廚，最愛速食，今次獲now電視台邀請主持節目《Cooking媽嫲》，除了酬金吸引，她也希望可以挑戰自己，大膽走入她的禁地—廚房，向媽嫲級廚神偷師。
整三文治討歡心
劉心悠說：「由細到大，我媽咪畀我嘅思想係我唔好入廚房，所有飲食都係媽咪安排，我冇諗過學煮嘢食。去到大學一個人又冇乜好煮，都係鍾意速食，所以咁樣都唔怪得我唔識煮！」
再加上靚女特別幸運，劉心悠根本不用學烹飪俘虜男人心，她說：「我冇煮過畀男仔食，反而有男仔煮過畀我食，佢整三文治，好好食，好特別。」
至於在外國長大的吳嘉龍，不要以為他只是識食西餐，原來他最喜歡中餐，還很留戀街頭小巷的獨有味道，他經常想食豆豉蒸排骨、梅菜蒸魚這些簡單菜式，他說：「細個喺coffeeshop打工做廚，乜都整吓，最鍾意係研究中餐，中餐有好多味道，好令人懷念，試過返英國，成日都會掛住豆豉、梅菜味，我覺得香港最好食係街邊小食！」
廣東話笑料百出
劉心悠和吳嘉龍第一次拍檔做主持，火花十足，而且笑料百出，劉心悠說：「最好笑係我哋有時講廣東話，係要估大家講緊乜，有次個阿媽仲要幫我哋做繙譯，真係好搞笑。」劉心悠挑戰自己，學做主持又學煮餸，她說：「不過真係好辛苦，因為我真係乜都唔識，每一集之前都要做好多功課，有次去到街市，我都唔識分鮮魷同墨魚，幾鬼尷尬。」採訪、攝影：楊潔雯
髮型：ChrisCheng、WingLauofILCOLPO（TST）（劉心悠）
化妝：JanChan、LeoTamofAnnieGChan（劉心悠）
服裝提供：EdenPark（吳嘉龍）
場地提供：Le188Restaurant&LoungeHarbourGroundHongKong
