近日同麥舜銘因為離婚而鬧上法庭嘅陳復生，月前接受節目《志雲飯局》訪問，並安排喺聽日無綫生活台播出。噚晚無綫《東張西望》播咗小小預告片，陳復生話同麥舜銘差唔多一拍拖就結婚，佢話：「佢都好直接，話嚟香港搵老婆。嗰時佢29歲，佢話好想我做佢老婆。」之後陳復生講到佢同麥舜銘嘅感情問題時，仲感觸落淚㖭。