孫耀威（Eric）昨日在尖沙嘴宣傳新碟《ManInTheMirror》，錄碟期間Eric曾失聲，一度擔心不能完成唱片，他說：「最初好驚會難產，好彩家係順產。呢隻碟係我同環球合約最後一隻，當時擔心連合約都捱唔到，要退出樂壇，所以隻碟面世特別感觸。」他稱謝安琪最近不斷傳訊息支持他，問到會否送一張碟給關楚耀，他說：「會，錄歌時佢喺錄音室聽過，而且佢都就快出碟啦！」
另外，Eric與環球唱片滿約，但他仍未決定去留，他說：「我仲喺自己事業發展上研究緊，我好唔捨得今次返嚟香港三年嘅發展，但又掛住台灣嘅生活，都掛住10幾年喺北京、上海拍戲嘅日子，我個腦好亂，好難兼顧中港台事業，我仲欠台灣經理人片債，想拖到拍完戲先簽，諗清楚條路。」
採訪、攝影：王連連