【本報訊】穿上黃色T恤出現遊行隊伍的民主黨創黨主席李柱銘指，保皇派怯於中央不敢報名參加立法會補選，五區公投投票率「一定唔會高」，但認為港人毋須介懷投票率高低，因為最重要是港人理解，現時手中一票是難得又重要。
受打壓投票率難如期望
李柱銘指出，過去香港每次舉行大型民主遊行，活動其間都有內地同胞親口向他表示，港人一定要堅持爭取民主，「因為香港冇民主，中國都唔會有民主」，因此市民在五區公投就香港民主發展方向投票極為重要，「呢一票我哋唔係為自己，係為咗成個國家。」
李柱銘指，港人今次能就普選投票表態，比內地至今無投票權的13億同胞幸運，「如果大家放棄手上一票，係對唔住自己同下一代，亦對唔住我哋13億同胞。」
公民黨黨魁余若薇指出，雖然現時不少參加補選人士均聲言支持民主，但強調五區公投運動至今只確認派出一隊人參選，「希望市民支持我哋呢一隊，集中票源喺公投議題。」
社民連陳偉業則指，在中央連番打壓、保皇派杯葛情況下，公投投票率難如初期預算般高，但預計公投運動的總得票，能與去年泛民主派立法會選舉得票相差不遠，能表達港人對民主堅定不移的明確訊息，「如果330萬選民都積極參與，我相信中央同特區政府唔能夠坐視不理，等同03年50萬人上街一樣。」