郭炳湘、嘉華主席呂志和、鄭詩韻與老公陳鴻業等，前晚在灣仔出席富得拍賣行10周年酒會。早前在北京病逝的「紅色資本家」徐展堂是拍賣行創辦人之一，大會在酒會前先為他默哀一分鐘。
否認曾戀李民橋
富得主席莊家蕙之前和東亞銀行大少李民橋分手，她前晚踩着4吋高跟鞋，但左足踝就包上護腳，原來她玩閃避球扭親腳，貪靚硬撐以高跟鞋示人。提到她和李民橋分手，莊家蕙死撐從無認過拖友關係，並指兩人友誼不變，她說：「我都冇認過拍拖。我哋一路都有見面，一直係familyfriend。」問她是否因工作太忙甩拖？她說：「要睇緣份啦。」問到其兄莊家彬和傅明憲蜜運是否順利，莊家蕙竟說：「我冇聽過佢有女友，佢冇帶過女友返屋企喎。」
採訪、攝影：顏英儀