「心理困擾好大，會諗點解偏偏選中自己，將來又點適應呢？」59歲的祥叔半年前失明，世界突然黑暗令他意志消沉。香港失明人互聯會有見新失明人士承受莫大困擾，推行「衝破灰網」計劃，並獲蘋果日報慈善基金撥款約1.3萬元支持，讓視障人士以過來人身份助新失明人士跨越重重障礙。
香港失明人互聯會今年初展開為期一年的「衝破灰網」計劃，由約20名視障會員擔任愛心大使，透過分享、表演、遊戲等，助新失明人士和視障長者重建生活信心及與外界的聯繫。
感謝基金撥款支持
祥叔半年前因視網膜病變導致視網膜脫落，繼而失明，現時雙眼只隱約感受到燈光。「初初唔知咁嚴重，仲以為有得醫，突然間睇唔到嘢好驚，覺得人生就咁冇晒。」失明後首兩個月，他將自己困在家中，終日以淚洗臉，「接受唔到自己，自卑感令我唔想見人。」
後來經朋友介紹，祥叔接觸到失明人互聯會，透過「衝破灰網」計劃獲其他視障人士鼓勵，人也變得開朗。「好多師兄師姐失明咗十幾廿年都係咁過，聽完佢哋分享我知道我哋呢班新失明人士都可以。」他感謝蘋果基金撥款支持該計劃，讓新失明人士得到援手及安慰。
60歲的達平是其中一名愛心大使，10多歲接受開腦手術後失明，他認為協助新失明人士重建自信最重要。「突然之間睇唔到嘢會好收埋自己，但又唔知有乜途徑可以幫到自己，我初初失明時都經歷過咁嘅階段，家都希望幫番啲新失明人士。」達平稱新失明人士沒有信心上街，他會以行動協助他們，一起走到街上，「要循序漸進，令佢覺得睇唔到嘢都可以順利去到街。」
「朋輩支持好重要」
該會社工關敏詩表示，以視障人士輔助新失明人士可能比社工輔導更見成效，「愛心大使都係先天失明或者失明咗一段時間，佢哋好清楚新失明人士面對嘅心理障礙，朋輩支持好重要。」該會希望透過是次計劃，紓緩新失明人士的心理壓力，以及加強其社交網絡。
香港失明人互聯會網頁： http://www.hkfb.org.hk
「社福機構專戶」捐款編號：S0006
網上捐款： http://charity.appledaily.com.hk/donate
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.appledaily.com.hk
蘋果日報慈善基金接收捐款戶口
恒生銀行：368-006565-001
中國銀行：012-898-00067655
滙豐銀行：580-198836-001
渣打銀行：447-0-667059-3