鄧麗欣（Stephy）昨日在粉嶺中心出席「MusicCafe簽唱會」，除獻唱大碟新歌外，還與fans玩遊戲及示範打蛋整蛋糕。
粉絲贊成結婚生仔
現場不時有fans大叫Stephy緋聞男友方力申的名字，連Stephy都不禁說：「大家經常都講呢個話題，連fans都留言話要發起邊個想睇我哋結婚生仔，結果贊成嘅fans佔大多數，因為咁，之前我講過話唔想再同小方做幕前情侶，不過見fans鍾意睇，我已經改變諗法，唔介意再同小方一齊做戲。」問Stephy會否接受fans意見和小方發展感情，她表示要以事業為重。
此外，Stephy的經理人公司金牌大風最近再有人事變動，據聞有被指是「黃柏高黨」的宣傳人員遭革職，對此Stephy說：「公司係有人事變動，但同係咪Paco黨冇關係，每間公司定時都會有人事上調動，有人加入亦會有人走，可能近排公司多新聞，所以大家敏感咗，有合作多年同事離開都會有啲唔捨得。」
採訪：魯萍 攝影：黃偉雄