賭王四房長女何超盈、剛坐完月的鄭詩韻，前晚在灣仔君悅酒店出席迪拜豪宅DubaiPearl酒會。鄭詩韻2月底誕下男嬰，前晚已火速收身成功，產後首次出街的她，表示一個月內減去30磅，仍有20磅要減，她說：「凑BB好辛苦不過開心，佢好聽話，佢半夜喊、冲凉喊，我叫佢唔好喊，佢就收聲。」初為人母，她自爆曾將尿片前後調轉包，趣事一籮籮。
爺爺買金畀乖孫
鄭詩韻謂兒子暫定改名陳淳熙，她說：「佢公公婆婆爺爺嫲嫲已經幫佢計劃將來，有啲買基金，爺爺買金，我幫佢將利是錢開咗個戶口，我有朋友幫個BB喺英國買樓，但太貴，之前迪拜財困，睇吓有冇平嘢執，家我哋乜嘢都為佢。」同場的何超盈被問到早前接男友Greg忍不住即時咀嘴，她說：「我哋好耐冇見，我遺傳咗爹哋，佢年年生日都公開肉咀（公開和四姨太錫嘴），我同佢一樣，係講個心。」
採訪、攝影：顏英儀