曾為張國榮《Monica》一曲填詞的黎彼得，對內地主持洪禹批評《Monica》歌詞空洞一事毫不動氣，昨日他在電話中說：「我哋啲嘢20幾年嚟都咁雋永，唔需要為一個人影響我哋嘅情緒，唔需要動怒。哥哥形象一向咁好，可能嗰個人係儍，又可能係飲大咗，如果有個儍人亂噏，使唔使咁痛心啫？個節目係為哥哥而搞，唔一定係要歌功頌德，但都唔需要踩佢老人家，佢都過身咁多年。我最想知條友（指洪禹）下場點，因為哥哥咁多fans，擔心條友出街危險啫！相信天主會懲罰佢。」
《儂本多情》被批爛劇
至於哥哥當年與商天娥主演的《儂本多情》被該主持批評為爛劇，娥姐昨說：「每個人睇法唔一樣，但我相信觀眾眼睛係雪亮。」
採訪：林妃