【本報訊】一名南亞裔女子深夜駕駛四驅車載同友人，在尖沙嘴堪富利士道咪錶位泊車時，疑技術不精10多分鐘仍未能泊好位，懷疑她心煩意亂下，誤將「油門當腳掣」。四驅車失控衝上行人路撞入一間已落閘眼鏡舖；兩名路經女子驚閃時仆傷送院，幸車內四人無恙，眼鏡舖嚴重毀爛，店東大嘆無奈：「開舖幾十年都未試過咁，今次真係六合彩都有得中囉！」
肇禍南亞裔30歲女司機Hira，前晚11時許，她駕駛一輛富豪四驅車載同三名女同鄉，前往尖沙嘴堪富利士道參加聚會。當她駕車抵達堪富利士道，準備找車位泊車。Hira將四驅車停泊9號門外咪錶位，疑她技術不精，多番將車駛前倒後仍無法將車泊好。
兩女途人閃避時仆傷
「個車位貨車都泊得入，佢舞龍咁扭出扭入，10幾分鐘都未泊好，好多人睇到都攬住個肚大笑，後面啲車要扭開啲先駛得過，影響交通呀！」一名目擊意外男途人稱，女司機多番嘗試泊車失敗後，懷疑準備駛走往附近停車場泊車。
豈料四驅車再駛出車位時，突然加速衝越馬路，鏟上對面行人路撞入8號K地下已關門的昌明眼鏡店。隆然一聲巨響，四驅車右車頭撞毀眼鏡店鐵閘，店內玻璃飾櫃應聲粉碎眼鏡四散，其時兩名39歲姓張及34歲姓卓女子剛行經上址。
「其中一人先發現架四驅車鏟上行人路衝向佢哋，眼明手快第一時間，拉住另一個人掉頭就走。好彩架四驅車撞咗入眼鏡店擋住停低，未有繼續衝向佢兩個。」目擊者指兩人驚閃走避時仆倒受輕傷，事後獲送院敷治。肇事四驅車女司機及三名女乘客僅受驚無恙。
警方調查後懷疑女司機誤將「油門當腳掣」，結果釀成今次事故。