昨日是兒童節，無綫兒童台在馬鞍山舉行「綠色復活節派對」，曹永廉、胡諾言及太太陳琪抱着兒女出席，一眾藝人包括JJ賈曉晨、陳倩揚等，與現場小朋友分享環保訊息。
胡諾言趁兒童節抱着7個月大的可愛B女胡芷苓（Jay）到來宣傳，父女更留了同一髮型，胡諾言說：「個髮型係我幫佢剪，唔係佢跟我，係我跟佢，家我哋全部時間都投放晒畀佢。」
胡諾言表示，有廣告商看中芷苓樣貌可愛正斟洽找她拍攝廣告，陳琪笑指女兒在3歲之前可以讓她一嘗入娛樂圈滋味，但3歲後就要三思。自命恨生BB的JJ，全程拉着芷苓嬉戲，JJ還說要生一隊足球隊。
曹永廉乖仔勤讀書
曹永廉經常抱着愛兒曹保熙（Brandon）親嘴，而不願上鏡的太太姜依蘭就在後台為兒子打點。曹永廉透露，現在給Brandon上學前班，還為他報讀兩間學校，雖然兒子只有2歲3個月，但其太太已為愛兒籌劃妥中、小學的鋪排，曹永廉說：「我都覺得囝囝返兩間學校辛苦，但係見佢返得好開心，佢又可以同方中信個女一齊玩，見佢好開心。」
採訪：張俊銘、攝影：葉君海