薛家燕和女兒石祐珊昨日與周美欣及曾航生等到將軍澳出席「超級童星誇啦啦比賽」，家燕姐之前大病一場，暫不會拍劇，她說：「原本TVB搵我去上海做世博，但要去成40幾日咁耐，所以我就推咗，因為凡事都係健康緊要，好似狄娜咁，上次我出院，就係佢入院嘅時候，健康真係無價o架！」
家燕姐透露其開辦的家燕媽媽藝術中心的學員參與拍電影，她說：「黎明同任賢齊部《火龍》、張學友部《全城熱戀熱辣辣》，我哋啲學員都有參與，真係桃李滿門。」
周美欣薦友選港姐
至於港姐出身的周美欣談到今年港姐招募，佳麗年齡放寬至28歲，她表示可吸引多些人參加，但缺點是假如奪后冠的是28歲，則未能代表香港參與國際賽事，她說：「我有次帶個溫哥華朋友入電視城，好多人讚佢靚，我會推薦佢參選。」
撰文：丁寧